لا أعلم يقينا متى بدأ حبها يعتمل فى قلبى ...
ربما بدأت أحبها حين أدركت كيانى و أدركت كيانها ...
ربما أول أن رأت عيناى الدنيا ... وربما حتى قبل أن أولد ...
ولا أعلم أيضا يقينا لماذا أحببتها ...
أ أحببتها لأنها فى بعض الأحيان كانت تعطيني كل ما أحتاجه من احساس بالدفء والأمان والحب ...
اذن لماذا أحببتها أيضا حينما كانت تبخل على بكل شىء ... حتى بواجباتها المفترضة نحوى ...
لا أدرى ... ولكنى متأكد من شىء واحد ... أننى ذبت فيها عشقا و حتى النخاع ...
أحيانا كنت أشعر أنها تحبنى أضعاف حبى لها ... وكثيرا ما كنت أشعر أنها لا تبادلنى أدنى شعور بالحب ...
أذكر فى تلك الفترة السوداء عندما زاد بيننا الجفاء ... شعرت بأنها لا تطيق مجرد بقائى معها ...
هى أيضا لم تعطنى أى فرصة أرى من خلالها امكانية قبول البقاء والاستمرار معها ...
وفى نهاية الأمر ... طردتنى ...
طردتنى من حياتها ومن مكانى داخل قلبها ...
لا أعلم حقا هل هى من طردتنى أم أنا من فررت من جفائها وقسوتها معى ...
كنت أعتقد أننى كرهتها ... كرهتها لأنها ظلمتنى ... لأنها لم تعطنى فرصة للبقاء معها وبدون سبب واضح ...
ولكنى كنت يوما بعد يوم أكتشف أنى لم أستطع أن اكرهها ...
بل والأدهى أننى لا زلت أحبها ... كانت هذه هى الحقيقة التى لم أندهش لها ...
هو داء القلب المزمن ... هو ألم النفس الممتع ...
اكتشفت أننى لا زلت أحبها حين كنت أبكى شوقا لها ...
حين كنت أغضب وأثور حين أسمع أى كلمة تقال عنها غير لائقة بها ...
حين كنت أرقص فرحا لسماع أى أخبار طيبة عنها ...
عشت كثيرا بعيدا عنها ... ولكنى الان _والان فقط_ أشعر أن قلبى يتمزق ...
لم أعد أحتمل ... أشعر برغبة عارمة فى العودة اليها ...
أعرف أنها بمجرد أن ترانى ستعانقنى فى حب ودفء برغم كل البعد والجفاء فى كل السنوات السابقة ...
مهما قست على أو ظلمتنى بعد ذلك ... سأرضى بذلك وأقبل ... فقد علمت أن نارها أفضل كثيرا من جنة غيرها ...
فلأبقى معها اذن الى الأبد ... فلأعيش معها ولأموت من أجل حبها ...
وبالفعل اتخذت القرار ... قرار عودتى اليها ...
عودتى الى مصر ...
هناك 19 تعليقًا:
اية ياعم الجمال وةالحلاوة دى بجد انت فنان بس بردة عاوزين نعرف قصة النشادر
مقال زي العثل ياس بس مش معقول بتحب مصر كل الحب ده على العموم انا مش هقول انت قصدك على مين بالظبط .... بس حلوه اول شمه دي بدات افوق شويه بس بالطريقه دي البصلة احسن مش محتاجين نشادر.
Face OFF MsAaY7
على فكره انا مش هقولك يا اسامه انا مين بس هسيب احساسك العالى ده يقولك؛على فكره انا اقول ما قريت كلامك كنت لسه هزعل منك علشان افتكرت كل الكلام ده لبنت؛وانت محكتليش .وقررت ان انا هازعل منك لمده 3 ايام بس اول ما لقيت لمصر كنت عايزه اقوم اضرب نفسى علشان شكت فيك ان انت مبتحكليش ؛علشان انا باحكيلك كل حاجه بسرعه واتعودت عليك جدا
سورى ان انا طولت عليك باى باى
والله كلام جامد يا ابنى . ماهو فعلا فى الاول والاخر هى بلدنا وبنحبها شمينا نشادر بقى ولا مشمناش . بس اكيد النشادر اهميتها جايه . مستنيينك توضحلنا اكثر اهمية النشادر.
من يومك وانت برنس وبتحبها بعنف ورقة وعلى إستحياء ...مستقبل جاامد لييك صدقنى أحلى حاجة فى الدنيا فعلا وأهم حاجة كمان هى الوطن لاننا منغيرة مانكونش استمر ياأوووسى ..
اسامه بجد حلو جدا التعليق ده بس كان هيبقى احلى لو كان لحبيبتك مش لمصر علشان كمان عيد الحب وربنا يوفقك ..
كل ده مخبيه مش راضى تقولهولى . اخص عليك يا أسامه و انا اللى هارياك حب . يلا بقا هنقول إيه . متمرش فيه الشيكولاته
هشام سامح ;)
ريشة فنان بترسم لوحة فى عيد الحب *جمال فى التعبير *روعة فى التصوير *كلنل بنشارك فى الحب العظيم ده *و ربنا يوفقك *رائحة النشادر بدات تظهر .......فى انتظارلوحاتك الفنية القادمة !!!!!!!!!!*اوركيدا*
تعرف انا قريتها كام مرة ؟مش هاقولك ؟لكن كل مرة باستمتع بيها كانها المرة الاولى ..رقة واحساس عالى ..ولو سالتك انت مصرى قولى ايه قولى مصرى وابن مصرى وابن مصر الله عليه قولها باعلى صوت وارفع راسك لفوق ..بالتوفيق
........داليا......
جامدة جدا والى الامام
جميل جدا يا اسامه
واحيانا الاغتراب الداخلي بيكون اصعب من الاغتراب الخارجي كمان
ربنا يوفقك
علا بركات
فكر جامد يا اسامة....
go on
هو يا ترى الموضوع ده بيتكلم عن مصر ؟
على العموم مصر دى بتاعتنا كلنا, احنا صحيح اتعذبنا هنا كتير بس برضه اتربينا ولعبنا وحبينا هنا . بس السؤال المهم دلوقتى انت مش ناوى تعرف الناس اللى هنا بقى انك مرتبط ولا ايه !!!!انت عارف يا اس انا مبحبش خداع الانسان لاخيه الانسان (او لاخته الانسانه طبعا ).انا جاى اهدى النفوس .......
سلام يا صاحبى .
ايه يا واد يا اوس الحجات الجامدة دااا من اجمل لاجمل ان شاء الله بس انتا جامد اوى وعلى العموم زبط كدااااداا ايميلى عشان تكلمنى عليه يا واد يا جامد اوى اوى اوى اوى اوى اوى mahmoud_diesel@hotmail.com
يا واد يا اسامة يا جامد ايه اية الكلام الى انتا كتبه دااا دا انتا جامد اوى اوى على العموم عايزك تزبط كدااااااا اموةةةةةةالايميل mahmoud_diesel@hot
جامدة جدا يا اسامة مش بقولك سوسة خليت كل اللى يقراها يفتكرها لحد بتحبه وبعدين نلاقيها لحبيبتنا كلنا
الله عليك ياد ياأس ياجامد ياحشيش قلبى من جوه بجد كلامك جامد ولو استمريت بالطريقه دى هيبأه ليك شأن فى عالم الصحافه بس ده ميكونش على حساب المذاكره
حبيبك عبدالمنعم
لما بتتكلم فى حب مصر بالشكل ده... امال لو اتكلمت عن حبيبتك ?هتعمل فينا ايه بس انت مليت قلبى انا كمان بحبها يا اسامة...........متقولش ايه اديتنا مصر قول هتدى ايه????لمصر بردووو.....بالتوفيق يا اسامة ومستنينك تمتعنا اكتر واكتر
يريت كل الناس تحب مصر زى ما انت بتحبهه
بجد كلام تحفه ومعبر جدا
استمر يا عبقرينووووووووو يا جامد
إرسال تعليق