الحزب الوطنى فى مصلحتك والمستقبل ليك
حريصين يا مواطن على راحتك وعلى مزاج معاليك
بس انت تصهين وتطنش وتخليها عليك
متصدقش جرايد غيرنا لحسن يسرحو بيك
دول ناس مش حابينك خالص ودى كلها تلاكيك
يا مواطن خليك ويانا الهى ربنا يهديك
الحزب الوطنى فى مصلحتك والمستقبل ليك
لجنة سياساته يا جمالها لجنة لذيذه وشيك
اوعاك تسأل عن لزمتها وفى حالك خليك
لو عاوز تنضم تعالى وهنعرف نحميك
هننسيك العيش الناشف والناس الصعاليك
وتدوق بقى م التوست بتاعنا وحمامنا أبو فريك
الحزب الوطنى فى مصلحتك والمستقبل ليك
مش عندنا لا فساد ولا سرقة ولا رشاوى وتسليك
ولا عز دخيله فى حديدها مالهاش اى شريك
ولا أكياس الدم دى بايظه وبلاش بقى تشكيك
والناس مبسوطه ولو كنت مكدبنا نوريك
وبلدنا نضيفه ومغسوله بصابونتين وفنيك
ده الحزب الوطنى فى مصلحتك والمستقبل ليك
هناك 16 تعليقًا:
زمان جدى قالى خليك مع الحاجة اللى بتكسب دايما عشان تتعلم منها و تبقى الأقوى فدخلت الحزب الوطنى . الله يرحمه جدى و أنا اهو قربت أموت و لسه الحزب الوطنى هوا هوا مبيتغيرش بنفس أسلوبه و قوانينه مع اختلاف المسميات و الأشكال اللى بتتحكم عدا شكل واحد ربنا ما يحرمنا منه D:
ازيك يا اسامة***ايه يا بنى الكلام الجامد ده ***واحدة واحدة علينا ؟؟؟انت ناوى تفوقنا ولا.........دا انت يتخاف عليك ...ربنا يوفقك *******اوركيدا*******
ليه يا اس هزقتهم وجرحت ليه الاحساس
اسياد بلادك بعتهم وفرجت عليهم الناس
يا .يااااااااااا.
وحش . هه. بس
انا ادمنت خلاص ريحة النشادر ***كل شوية افتح و اقرا علشان افوق ***ربنا يسترها معانا ومعاك !!!!!!!!********د/داليا********
هاى اسامه ازيك كلامك حلو اوى بس انا عايزه اقولك اهدأ شويه علشان بقى فى شرطة مراقبة النت وهيجبوك بالكلام الجامد المشعلل ده ,على العموم كلامك تحفه,اكيد بتقول يا ترى دى مين
انا واحده زعلانه منك اوى اوى اوى يعنى 3 اوى
يانهار ابيض ياس ... اول مره في حياتي اشوف واحد مش بيحب الحزب الوطني زيك كده .. ليه كده ياحبيبي
دحنا
عايشين على خيرهم...
وبنتنطط في نعيمهم ...
والمفروض علينا نكرمهم...
قول وسمعنا ياس كلامك عنهم...
بس متنساش تبعتر كرامتهم...
دول ناس يستاهلوا محاكمتهم...
علشان بيبيعوا في بلدهم...
قول ياس كلام عنهم...
ولو فاضي تبين لنا مكايدهم...
قول ومن وراك هنبوسهم...
على حكمه معاهم تسندهم...
ريس وحكومه وحزب تبعهم...
قول ياس كلام عنهم...
مش فاضل غير ان نعلقهم...
لضرورة ان نعظمهم...
شعب من الجوع شايفهم...
احسن له من غيرهم...
قول ياس كلام عنهم...
ومتنساش مصر حبيبتك...
شعب خلاص من الجوع هيموت...
بنشادر قوم وفوقهم...
Face OFF MsAaY7
مفيش احسن من انك تقول رايك بصراحة ومن غير ما تخاف من حد ويا سلام لو كان فعلا طالع من قلبك ومن كل مكان فى جسمك مش بس لسان ياريت الموقع يكبر اكتر واكتر والناس تعرف اد ايه فعلا انت بتحب بلدك واد ايه انت فعلا خايف عليها يارب تكمل كل اللى جواك ويارب تلاقى اللى يقول رايه زيك والموقع هايل بجد
إدينى إدينى أكتر دى النشادر من إيدك سكر يااة دا انت كدة مش هتناشدرنا انت كدة هتعمل إنقلااب بس عن جد كلام جاامد إستمر ياأوسى من جميل لأجمل ولكن ستظل أنت الأجمل
جامدة المدونة يا اسامة طبعا مش انت اللى عملها عايزاك تستمر بقى وتكتب اكتر فيها وربنا يوفقك ويسترها معاك لاحسن انا قلقانة عليك وان شاء الله تبقى احسن مدونة عرفها تاريخ المدونات
حبيب قلبي يا اس يخربيت كلامك وزجلك متعنا يبني متعنا بس بالراحه احسن حد يراقب المدونه بس يا ريت تغير االاسم نشادر ولا انت عامله خدعه مش مهم ربنا يوفقك يا ريس يا ابن شارعي يا جاااااااااااااااامد
السلام عليكم جميعا
احلى سلام لاحلى نشادر
و احلى سلام على كل اللى هنا
بجد مدونه حلوة
و بجد موضوع الحزب موضو ع جميل
و ماشى قوى مع نغمه الأغنيه بتاعت ايام انتخابات مجلس الشعب
بجد هاااااااااااايل
و ربنا يوفقك و يوفقنا جميعا
و سلااااااااام
?????????
خلي بالك علي نفسك اوي . ولابد من يوم معلوم تترد فيه المظالم. يارب تفهمني
ازيك ياأسامة انت مولع الدنيا كده علي المدونة اهدأ شوية وخليك مع الحزب الوطني اللي حريص علي جناب معاليك
(notears4ever)
azyk ysmsm bos b2a ah ana sm3tha mnek 2bl kda bs bgd mn hna liha t3m tany bs arg3 w2ol da kalam wla ywdy migbsh fhmny tb3n wla aih ysmsm
جامد اوى الكلام ده يا أس أس
بس براحه علينا شويه لناخد جرعه زياده نشادر ونروح فى ابو بلااااش
الحزب الوطنى هو الكنج وانا اؤمن ببرنامج الحزب الوطنى عن محافظة قنا فتحيا الحزب الوطنى والله يكرم الزعيم محمد حسنى مبارك زعيم الحزب والدكتور عباس منصور امين الحزب الوطنى عن محافظة قنا والسيد امين التنظيم وامين السياسات وامين الشباب وامينة المراة
إرسال تعليق