اعذرنى هضيع من وقتك حبه بشعرى المسجوع
بس يا ريت تفهمنى وتسمع لمواطن مفقوع
أنا عارف .. شعرى هيبعتنى طريق و مالوهش رجوع
أصل انا مش مسنود ولا عندى شركات ليها فروع
بس انا غصبن عنى بلاقى لسانى داس فى الممنوع
ربنا بقى يسترها معانا ويكفينا كسر الكوع
مبروك .. هتكمل تمانينك و مقامك مرفوع
يمكن تعمل حفله كبيره وتجيب تورتايه وشموع
أو جايز هتجيب رقاصه ومعاها مطرب شخلوع
بس يا ترى هتكون مبسوط والناس بتموت م الجوع ؟
وهتضحك بسعاده وسرور والناس غرقانه فى دموع ؟
حل غموم و هموم الناس مش من ضمن المشروع ؟
لو ده حقيقي يبقى انا شايف قدامى _ لا مؤاخذه _ زالوع
بدعيلك من قلبى يا مصرى فى صلاتى وبخشوع
تخرج بقى من صمتك مره كفايه خضوع وخنوع
طول عمرك ساكت غلبان مذلول مضغوط مقموع
ديما كده تديها طناش وتسيب حقك مبلوع
لما تروح تطلب مصلحه يسيبوك سنتين ملطوع
واذا عرفت توصل طلبك يفضل فى الادراج مرزوع
مش هتقضى بقية عمرك عايش فى الوهم ومخدوع
يجيبوك ويودوك بمزاجهم رهن اشارة وتحت الطوع
اتكلم .. طالب بحقوقك .. اصرخ خللى الصوت مسموع
هناك 25 تعليقًا:
كل عيد بنعيشه معاك بكابوس .. واحنا ناس محتاجين فلوس .. ويا ريت لو شوية نفوذ ..
و حتى لما تموت روحك مش هتموت .. فى جمال وعلاء وسوزان .. هيخربوها زيك تمام ..
محمد عادل
والله الكلام جميل من واحد جميل وبيقول حقايق مش جميله ويارب تتغير وتبقى جميله لان جميله اتخنقت خلاص وماتت------- u know me
كلام جميل جدا جدا وربنا يستر عليك يا اسامة بس بجد انت انسان جميل وشجاع جدا وبتقول كلام جميل جدا وبصراحة انت خسارة فى البلد دى
عاطف
ليه بس خساره في البلد دي يا اخي عاطف... :)
اخي اسامه : انت مكسب للبلد دي :)
----------------------
شعرك المسجوع جميل و ... ان شاء الله مش هنموت من الجوع ... وووو اي حاجه اوع :)
المهم-------------
ان شاء الله المره الجايه يكون الشعر كله رسايل ايجابيه كده و في شويه حماسه للافضل احسن بجد كده الواحد حاسس انه خلاص ممكن يموت من الجوع :((
كلامك جميل يا اسو بس والنعمة انا خايف عليك وكل حاجة جايبنها ف مبارك مبارك
واحنا ولا بنتكلم وكلنا بنعامل بعض زي الزفت وكل حاجة مبارك نعيب زماننا والعيب فينا لو كل واحد يهتم بغيرة عمر حالنا ما هيبقي كدا
كان معكم ساكو من امام كوبري الغجر
يا بنى هتنام ف ابو زعبل كده
السياسه ليها ناسها
بس جامده قشطه يا اس اس اس
احمد بسيونى
ابن عم :محمود الحسينى
ايوا يا اس
انت مش هتنهد بقى
مواضيعك كلها جامده
شكلك هتوادينا ف داهيه
بس فداك فداى يا معلم
ابن قسمك
محمود الحسينى
تعليق من ميدووووووووووووووو
والله العظيم انتة راجل محترم ولو فى 3زيك فى البلد دية كانت ازازة الزيت رخصت وربنا يوفئك يااسامة
بجد انت فظيع قلتلك قبل كده خد بالك من نفسك بس بجد الموضوع جامد جدا وجميل جدا بس خلى بالك من نفسك كويس وربنا معاك ياسامه احنا معندناش كام اسامه هو اسامه امين واحد بس ربنا يحفظك رودينا فارس
ولا حياه لمن تنادى والله كنت طيب يا سمسم وكنت عزيز وغالى علينا يلا ياما نصحتك وقولتلك وانت مش بتسمع الكلام
ايه يا اسامه ده ده الريس زي الفل والحياه زي الفل وكل حاجه موجود والريس وزع تورته لعيد الميلاد وعقبال ميت سنه يا ريس وانت منغنغنا كمان وكمان وكفايه بقي يا اسمه حقد علي الناس الحزب الوطني في مصلحتك انت نسيت ولا ايه
سير يا اوسو سير سير واحنا
وراك على...............
أكمل البيت السابق؟
يا هلا ازيك يا اسامة **وحشتنى موووووووووت و وحشتنى مقالاتك !!......اغيب اسبوعين الاقى كل ده حصل ؟؟!!......هههههههه ايه الجمال ده بجد كنت محتاجة افووووووق شوية ......بس النشادر المرة دى ريحتها عالية قوووووووووى.....زمان كنت باقولك انت يتخاف عليك ؟؟.....دلوقتى بقولك ولا يهمك !!كمل و ربنا معاك !! بجد يا ريت الكل كده ......بالتوفيق يا جميل ...اوركيدا(د/داليا)
يا هلا ازيك يا اسامة **وحشتنى موووووووووت و وحشتنى مقالاتك !!......اغيب اسبوعين الاقى كل ده حصل ؟؟!!......هههههههه ايه الجمال ده بجد كنت محتاجة افووووووق شوية ......بس النشادر المرة دى ريحتها عالية قوووووووووى.....زمان كنت باقولك انت يتخاف عليك ؟؟.....دلوقتى بقولك ولا يهمك !!كمل و ربنا معاك !! بجد يا ريت الكل كده ......بالتوفيق يا جميل ...اوركيدا(د/داليا)
المقال حلو جدا بس ادينى مسد قبل لما تروح فى خبر كان علشان اعرف انت فى انه معتقل علشان اجبلك فراخ مشوية اللى انت بتحبها ومتخفش مش هنسى سلطة الطحينة
الله عليك يا واد يا أسامه, أحبك كده و أنت هتودينا كلنا فى داهيه , و أحب أقول لبابا حسنى :
كل سنه وانت طيب و إحنا مش طيبين
كل سنه و انت طيب و إحنا من الجوع هلكانين
اعذرني هضيع من شاتك حبه بكلامي المفضوح
بس ياريت تبقي تبص على تعليقي الشخلوع
مبروك .. على رفع مدونتك لجوجل الدلوع
مبروك .. روحك الحلوه مع ريسنا المبلوع
بس لسانك عايز قطعه انا مذلول مضغوط مقموع
بستانك كله زهور بس بلاش كسر الكوع
دوس واحنا وراك هنقول بس بلاش ف الممنوع
النشادر ف السوق شح عشان شعرك المسجوع
دي نصيحه اخ لاخوه ف طريقه لسجنه المشروع
امك عيزاك ياحبيبي مقامها عالي ومرفوع
بس دموعها شغاله ياعيني على ابنها الملطوع
قوم بوس دماغها وجبلها تورتايه وشموع
لو معملتش ده ف الحال متستهلش منها دموع
MsAaY7 Face OFF
بصراحه ياض يا أس شعرك جامد ودمه خفيف بس المشكله ان كل واحد بيفكر فى نفسه وبس وملوش دعوه باللى بيحصل وراكن جنب الحيط
وأنا عايز أقلك خلى بالك من نفسك وحاسب على كلامك شويه أحسن تتشد
(NOTEARS4EVER)
HI OSOS....... THE OF THIS COUNTRY
يا ابني انت والله ملكش حل يار ب يسترها عليك ....مش مهم البلد ديت والله تستهاهل أي حاجة ولا انت مش معايا
المهم الشعب ده مش هيفضل مطنش كتير
....أكيد هيتحرك في يوم
مبروك عليه تمانينه ولا تسعانيه .....
مش فارقه المهم البلد هتفضل لنا ..مش مهم النهارده يمكن بكره.....
المهم اني النهاردة ايقنت انك كاتب من العيار الثقيل ..........لا تقل عن أحمد خالد توفيق اللي انت بتحبه أوي ................
حبيبي يااوس
\WRITTEN BY
(NO TEARS 4 EVER)
(NOTEARS4EVER)
HI OSOS....... THE OF THIS COUNTRY
يا ابني انت والله ملكش حل يار ب يسترها عليك ....مش مهم البلد ديت والله تستهاهل أي حاجة ولا انت مش معايا
المهم الشعب ده مش هيفضل مطنش كتير
....أكيد هيتحرك في يوم
مبروك عليه تمانينه ولا تسعانيه .....
مش فارقه المهم البلد هتفضل لنا ..مش مهم النهارده يمكن بكره.....
المهم اني النهاردة ايقنت انك كاتب من العيار الثقيل ..........لا تقل عن أحمد خالد توفيق اللي انت بتحبه أوي ................
حبيبي يااوس
\WRITTEN BY
(NO TEARS 4 EVER)
(NOTEARS4EVER)
HI OSOS..... THE MAN OF THIS COUNTRY
يا ابني انت والله ملكش حل يار ب يسترها عليك ....مش مهم البلد ديت والله تستهاهل أي حاجة ولا انت مش معايا
المهم الشعب ده مش هيفضل مطنش كتير
....أكيد هيتحرك في يوم
مبروك عليه تمانينه ولا تسعانيه .....
مش فارقه المهم البلد هتفضل لنا ..مش مهم النهارده يمكن بكره.....
المهم اني النهاردة ايقنت انك كاتب من العيار الثقيل ..........لا تقل عن أحمد خالد توفيق اللي انت بتحبه أوي ................
حبيبي يااوس
\WRITTEN BY
(NO TEARS 4 EVER)
انا لو كنت قريت البوست ده
وانت مكتبتش بعده
كنت حقرالك الفاتحه
بس الحمد لله ربنا ستر
دى جامده جامده موووووووووووت
بجد تحفه اهى دى احلا من التانيه بكتير اوى بجد تى تودى وتجيب بس اليسمعها
الكلام جامد من قلب صادق
حاسس بناس ميته تعبانه متهانه
بس خلى بالك وحاول تخف شويه
ولازم يبقى فى تفاؤل علشان الحياه تستمر
يا عبقرينوا يا جاااااااااااااامد
aho yasidi kol il masriyin etkalmo w alo w 3amlo agmal thawra f il 3alam
إرسال تعليق