الثلاثاء، 10 مارس 2009

برده ساقط !

انت ساقط .. انت ساقط ..
اوعى تفتح بؤ أهلك ..
أو تناقش .. أو تلابط ..
ده انت ضايع لا محالة ..
ده انت ياض مقلب زبالة ..
ده انت أحسنلك و أريح ..
تشتغل صبى فى البقالة ..
بتقوللى ايه ؟ بكتب مقالات ؟
ياخى بوف عليك !
ياض شعر ايه و غنا و حركات ..
ربنا يهديك !
فالح يا خويا تسمعلى منير ..
تقرا روايات و قصص لكتير ..
لكن دراستك و مصالحك ..
ترتيبها جوا المخ أخير ..
داير بتغلط ف الريس ..
أبو عقل رزين ..
اش فهمك انت دماغه ؟
يا ابو مخ تخين !
هتروح يا جحش ف ميت بلوى ..
و تضيع ببلاش ..
تحوج أبوك للى بيسوى ..
و اللى ميسواش ..

يا اخوانا بس ادونى دقتين ..
عاوز اتكلم !


اخرس يا بقف كمان لك عين ؟!
ايه .. هتأفلم ؟!
تعمل قصص .. تعمل حواديت ..
ف مدونتك ..
يقراها بس شباب خايب ..
من عينتك ..
الحبتين دول تعملهم ..
على ناس تانيين ..
لكن احنا مش هنركزلك ..
ولا ليك فاضيين ..
مهما تصرخ .. أو تزعق ..
مهما تتكلم .. تبرق ..
كنت ثاير .. كنت شاخط ..
برده فاشل ..
برده ساقط !

هناك 18 تعليقًا:

كوارث يقول...

هههههههههههههههههه
جامد جدًا يا أسامة ما شاء الله
ايه يا عم البوست الهايل ده ؟
شاعر شاعر يعني
ومضمون القصيدة رائع
مش هيسيبوا بابا في حاله بقى

غير معرف يقول...

يا فاشل يا فاشل

الكلمة دى تغيظ وتنرفز

اعتقد انك حاسس ابوست ده

ناوى تعمل اية بقلا علشا تثبت انك مش فاشل؟

الفراشة الصغيرة يقول...

ايووووووووة
لو كنت طالب عندى فى المدرسة

كنت عملت فيك اكتر من كده
ههههههههههههه

انا جايه اهدى النفوس

vepoo يقول...

عارف اقسى واحد يقولك الكلام ده مين؟؟؟
انتا !!!!
لو انتا صدقته وبدأت تقوله لنفسك ... هتتعب أويييي
اوعى
خليك ... يا ناجح يا ناجح ...
:)

PrInCeSS BeRy يقول...

ههههههههههههههههههه عثل يا اسامة سيل من الشتائم بصراحة جامدة تسلم ايدك يا مبدع حلوة اوىىىىىى

غير معرف يقول...

السلام عليكم و رحمة الله و بركاته

ايه دا !! .. ايه دا !!
فكرتنى ب فيلم الباشا تلميذ ؟!
كان حسن حسنى لما يحب يضايق كريم عبد العزيز يقوله يا فاشل !!.. و يسأله الكلمة بتضايقك ؟.. يرجع و يكررها 3 مرات لتأكيد المعنى و أمعانا فى مضايقته ..

هنا بقى مين فاشل ؟!
و ليه فاشل ؟!
ودا رأى مين ؟! .. هو ولا رأى الناس المحيطة بيه ؟!

هههههههههههههههه
بقى دى أخرتها :
< يقرأها بس شباب خايب >
لكن أنت لحقت نفسك من اللى كان ممكن يحصلك لما كملت و قلت << من عينتك >>
هى دى اللى رحمتك !!
لأننا كلنا نتمنى نبقى من عينته ..
أنسان واضح و صريح مش بيعرف يتلون ولا يقول الا اللى جواه و حاسس بيه

بوست واقعى محزن و محير ؟؟!!

أرق تحياتى ... سلام

المـــفـــــــقــــــــوعـــــة مــرارتـهــا يقول...

كدا انت في السليم ضمنت ان المدونة مش متراقبة
تسلم ايدك
بجد حلوة

أفكار مُلّونة يقول...

السلام عليكم ...
هههههههههههههههه ...
بجد يا أسامه مش عارفه امسك نفسى من الضحك ...
تحفه الكلمات ... بس ياريت نسمع الجزء التانى الا وهو " انت ناجح انت ناجح "
بس بجد شعر من نوع اخر ... حلو كتييييييير ...
تسلم إيدك ...
.....................
اه انا على فكره قريت المدونه كلها ...
بجد حلوه كتييييير ومتنوعه كمان ...
تقبل نحياتى ...
غاده ...

ماء تشرين يقول...

تاسع واحد رايح في كلبووش مع كاتب القصيده
لا لالالالالا بس جامده اخر حاجه ياعنى

والفشل الحقيقي هو السكوووووت

غير معرف يقول...

The Failure is the secret to succes

moon light يقول...

لذيذة اوى
وبتوضح كميه السلبية الى بنعانى منهه كل يوم والتفنن ف الإحباط
واستخدام المفردات الى بتكسر ف المقاديف فى الحوار مع ناس معينه
وانا بسمى دول اعداء النجاح
بس فى ملحوظه صغننه
الشتايم كتير شويه ف القصيده
بس ده ميمنعش انهه لذيذه وفكرتهه حلوه اوى
فى تقدم دائم يا عبقرينو يا جااامدد

moon light يقول...

ًٌٌُاه سورى نسيت اقول حاجه
ولكل جواد كبوة

غير معرف يقول...

اه يا فاشل
فاشل فاشل يعني
طب ما انا كمان كده بس حكاية وقت علي ما النتيجة تظهر وبعدين هظبطك تعليقات


shekoo el lazeez

غير معرف يقول...

ااااااااااااااااااااه جيت ع الوتر يا اس بصراحة الموضوع دة مؤثر جداااااا وبيعيش قصة الانسان المعاصر فى العصر البدائى علشان كدة انا عاوز ارد بكلمة وحدة برررررم بررررررم تيرارارارااااااااا


صاحب العصيدة شاب مكافح

غير معرف يقول...

يا مساء القلق والعنب اللى إندلق

بصراحة يا اسامه الموضوع بتاعك ده جامد اخر حاجه وعاجبنى اوى ودى اول حاجه اقراها ليك بس انت دخلت دماغى وهقرى كل اللى فات وهسيبلك كومنتات برده

وخطك ع فكرة جامد اوى

حبيبك احمد عزت

ميرام يقول...

ههههههههه
بجد تصفيق حاااااااااار ..
هو لو في ميزة واحده بس للسقوط
هتبقى انك كتبت حاجه جميله كده
بانتظار جديدك
تقبل مروري
تحيــــــــاتي

غير معرف يقول...

السلام عليكم ورحمه الله وبركاتة

http://savesanta.blogspot.com/

شاركوا فى نشر هذة القضيه فى كل مكان وقدر المستطاع وتفاعلوا معها بالتعليقات والاجابه على استطلاع الرأى معنا حتى لايفلت المجرمين من العقاب شاركوا فى حمله لاللتعذيب لالتلفيق التهم لالانتهاك حقوق الانسان لالبلطجه الشرطه لالافلات المجرم من العقاب كونوا ايجابين وتخيلوا انفسكم مكان هذا الرجل العاجز الذى ضرب فى مركز الشرطة وتم تعذيبه بابشع الطرق وتم كهربته حتى فاضت روحه والان المجرم الذى قتله رئيس مباحث السنطه الرائد وليد غنيم حر طليق يتمادى فى اجرامه ويلفق التهم للابرياء سجن مركز السنه اصبح مقتظ بالابرياء ولا احد يسمع بهم ولااحد ينصرهم فلنتكاتف اخوانى ولنعمل على نشر هذة القضيه وفضح هؤلاء المجرمين على مواقع الانترنت وعلى المنتديات وعلى المجموعات الخاصه فلنجعلها قضيه راى عام ولنسمع المسؤلين اصواتنا ومن يستطيع المساعدة باى طريقه لايتاخر فمن كان محامى يستطيع ان يتطوع للدفاع عنهم ويرفع دعاوى مباشرة على وزير الداخليه حتى يقضى على الفساد فى السنطة ومن كان صحفى ينشر فى جريدته ويفضحهم ولنعمل جميعا على فضح المفسدين حتى نطهر بلدنا مصر الحبيبه منهم وختاما وفقنا الله واياكم لنصرة المستضعفين وجعل الله هذا فى ميزان حسناتنا

وجزاكم الله خيرا

جبهة انقاذ السنطة
save_santa@hotmail.com

free man يقول...

جااااااامد
يا معلم ويارب تكتر شويا